ચેટીનાદ ઢોંસા  

સામગ્રી :

ચોખા - ૧ ૧/ર કપ, અડદની દાળ - ૧/ર કપ, સાબુદાણા - ૧/૪ કપ
સ્ટફિંગ માટે : 
ઝીણી સમારેલી ડુંગળી - ૧/ર કપ, છીણેલા ગાજર - ૧/ર કપ, ઝીણી સમારેલી કોબી - ૧/ર કપ, લાંબી ચીરીમાં સમારેલું કેપ્સિકમ - ૧/ર કપ, ઝીણું સમારેલું ટામેટું - ૧/ર કપ, તાજું ખમણેલું કોપરું - ૨ ટેબલ સ્પૂન, આમલીનો રસો - ૨ ટેબલ સ્પૂન, સંભાર મસાલો - ૧/ર ટી. સ્પૂન, લાલ મરચું - ૧ ટી. સ્પૂન, હળદર - ૧/૪ ટી. સ્પૂન, હિંગ - ચપટી, તેલ - ૨ ટેબલ સ્પૂન, મીઠું - સ્વાદ મુજબ, ટામેટા - લસણ કોપરાની ચટણી - ૧/ર કપ

રીત :

(૧) ચોખા અને અડદની દાળને ૬થી ૮ કલાક પલાળવા. ચોખા વાટવાના ૩ કલાક પહેલાં સાબુદાણા પલાળવા. (ર) ચોખા અને અડદની દાળને જરૃર પૂરતું પાણી ઉમેરી વાટી ઢોંસાનું ખીરું તૈયાર કરવું. તેમાં સાબુદાણા વાટીને ઉમેરવા. (૩) ખીરું કાઢીને ૪થી ૫ કલાક આથો લાવવા મૂકી રાખવું. ત્યારબાદ તેમાં સ્વાદ મુજબ મીઠું ઉમેરવું. (૪) સ્ટફિંગ માટે નોનસ્ટીક પેનમાં તેલ ગરમ કરી હિંગ ઉમેરી કાંદા સાંતળવા. તેમાં ગાજરની છીણ ઉમેરી સાંતળવી. (પ) ત્યારબાદ તેમાં કોબી અને કેપ્સિકમ ઉમેરવા. થોડું સંતળાયા બાદ છેલ્લે ટામેટા ઉમેરવા. (૬) શાક સિજાય એટલે કોપરું ઉમેરી મિક્સ કરવું. તેમાં મીઠું, લાલ મરચું, હળદર અને સંભાર મસાલો ઉમેરી હલાવી લેવું. (૭) છેલ્લે આમલીનો રસો ઉમેરી ગેસ ઉપરથી ઉતારી લેવું. (૮) નોનસ્ટીક તવી પર ઢોંસાના ખીરામાંથી થોડું ખીરું લઈ ઢોંસો પાથરવો. (૯) ઢોંસો તૈયાર થાય એટલે ટામેટા - લસણ- કોપરાની ચટણી લગાવી તૈયાર કરેલા પૂરણમાંથી થોડું પૂરણ પાથરી ઢોંસો અર્ધગોળાકાર વાળી લેવો. આ રીતે બાકીના ઢોંસા તૈયાર કરવા. (૧૦) ગરમ ચેટીનાદ ઢોંસો સંભાર અને કોપરાની ચટણી સાથે સર્વ કરવો.
* ઢોંસાના રોલ વાળી નાના પીસ પણ કરી શકાય.